ლანდშაფტის არქეოლოგიის მნიშვნელობა ფარავნის არქეოლოგიური ძეგლების კვლევის მაგალითზზე
ანოტაცია
2018–2022 წლებში ჩატარებული სამუშაოების შედეგად გამოვლინდა 200-მდე არქეოლოგიურად საინტერესო ობიექტი. დისტანციურად იქნა შესწავლილი 30 000 ჰექტარზე მეტი ფართობი. GIS პროგრამაში შეიქმნა მონაცემთა ბაზა, რომელიც მოიცავს მაღალი გარჩევადობის ორთოფოტოებს, ციფრულ რელიეფის მოდელებს, ძეგლების ზუსტ ლოკაციებსა და გამოვლენილი ობიექტების აღწერებს.
შეგროვებულ მონაცემებზე დაყრდნობით შეიქმნა რუკა, რომელზეც ფარავნის ტბის ირგვლივ არსებული დასახლებები და სამარხები პოლიგონების სახით არის დატანილი. აღნიშნული რუკები და ვიზუალური მასალა მნიშვნელოვან დახმარებას გვიწევს არქეოლოგიური ძეგლების სივრცითი ანალიზის განხორციელებაში.
აღსანიშნავია, რომ ტბა ფარავანის მიმდებარედ არსებული დასახლებები ზღვის დონიდან 2100–2450 მეტრის სიმაღლეზე მდებარეობს, ხოლო სამარხები — დაახლოებით 2070–2320 მეტრის ფარგლებში. არაინვაზიური მეთოდების გამოყენებით მიღებული იქნა პირველადი ინფორმაცია არქეოლოგიური ობიექტების შესახებ.
ჩვენი კვლევა წარმოადგენს ინტერდისციპლინური მიდგომების დანერგვის აუცილებლობას არქეოლოგიაში. წარმოდგენილი კვლევის მოსალოდნელი შედეგები მნიშვნელოვანი იქნება სხვადასხვა დარგის სპეციალისტებისთვის — არქეოლოგებისთვის, კლიმატის მკვლევრებისთვის, გეოგრაფებისთვის, ეკოლოგებისთვის, კარტოგრაფებისთვის, ისტორიკოსებისთვის და სხვებისთვის.
ფარავანის მიმდებარე ტერიტორიის არქეოლოგიური კვლევის გაგრძელება საშუალებას მოგვცემს არა მხოლოდ ამ რეგიონის ისტორიულ-გეოგრაფიული სურათის აღდგენას, არამედ პალეოგარემოს შესწავლასაც. არქეოლოგიური ობიექტების მრავალდარგობრივი კვლევა ხელს შეუწყობს უფრო სიღრმისეული ინტერპრეტაციების გაკეთებასა და დასაბუთებული დასკვნების გამოტანას. ასევე, აუცილებელია გარემოსადმი ადამიანის სოციალურ-კულტურული ადაპტაციის ასპექტების უფრო ეფექტიანად შესწავლა.
ჩამოტვირთვები
გამოქვეყნებული
როგორ უნდა ციტირება
გამოცემა
სექცია
ლიცენზია
საავტორო უფლებები (c) 2026 admin admin
ეს ნამუშევარი ლიცენზირებულია Creative Commons Attribution 4.0 საერთაშორისო ლიცენზიით .
In case an article is accepted for publication it is allowed to combine the article with other researches, to conduct a new research on the article or to make different arrangements on condition that the same license is used including the commercial purpose.
As an author of an article published in Archaeology: The Scientific Journal of the University of Georgia you retain the copyright of your article and you are free to reproduce and disseminate your work.
