სამშვილდის ნაქალაქარზე ახლად გამოვლენილი ობსიდიანისა და კაჟის ისრისპირები
ანოტაცია
სამშვილდე ერთ-ერთი უძველესი ციხე-ქალაქია საქართველოში, რომელიც ისტორიულ ქვემო ქართლში, თეთრიწყაროს მუნიციპალიტეტში, ახლანდელი სოფელ სამშვილდის მახლობლად მდებარეობს. ძეგლი მდინარე ჭივჭავისა და
ხრამის შესაყარზე ამოზიდული სამკუთხა ფორმის ბაზალტურ კონცხზეა აღმართული. არქეოლოგიური კვლევებით ნაქალაქარზე გამოვლენილია სხვადასხვა პერიოდის ნაგებობებისა და არქეოლოგიური კულტურების კვალი. კერძოდ, კვლევის შედეგად აღმოჩენილია ობსიდიანისა და კაჟის ისრისპირები, რომელთაც ნაშრომში განვიხილავთ. წარმოდგენილი თემა, აქტუალურია და ამავე დროს კომპლექსურად რთული. არქეოლოგიური კვლევების მიუხედავად, რომელიც 2012 წლიდან პერმანენტულად მიმდინარეობს სამშვილდის ნაქალაქარზე, ქვისა და ბრინჯაოს პერიოდი ფაქტობრივად შეუსწავლელია რადგან, ერთი მხრივ, ეს უკანასკნელი პერიოდი ჯერ კიდევ ფრაგმენტულადაა გამოვლენილი და მეორე მხივ, განვითარებული და გვიანი შუა საუკუნეების ფენებით არის დაფარული, შესაძლოა, ამავე პერიოდის აქტიურმა სამშენებლო და სამეურნეო საქმიანობამ ფენები დააზიანა.
აღმოსავლეთ საქართველოს ტერიტორიაზე მოსახლე ჯგუფებისთვის მშვილდ ისარი უძველეს სამონადირეო იარაღს წარმოადგენდა. ასპარეზზე სპილენძის და შემდგომ, ბრინჯაოს გამოჩენამ, ბოლომდე ვერ ჩაანაცვლა ქვისგან დამზადებული
ისრისპირები. ამის თქმის საფუძველს კი ხალკოლითიდან, გვიან-ბრინჯაო ადრე რკინის ხანამდე სხვადასხვა ძეგლებში, ყორღანებში, თუ სამარხებში, ხშირად აღმოჩენილი ქვის ისრისპირები გვაძლევს. ბუნებრივია, ასეთ დიდ ქრონოლოგიურ
მონაკვეთში გავრცელებული ქვის ისრისპირიების ფორმები და დამუშავების მანერა იცვლებოდა, ჩნდებოდა იარაღის ახალი ტიპები, ან ძველი იძენდა ახალ თვისებებს.
ჩამოტვირთვები
გამოქვეყნებული
როგორ უნდა ციტირება
გამოცემა
სექცია
ლიცენზია
საავტორო უფლებები (c) 2026 admin admin
ეს ნამუშევარი ლიცენზირებულია Creative Commons Attribution 4.0 საერთაშორისო ლიცენზიით .
In case an article is accepted for publication it is allowed to combine the article with other researches, to conduct a new research on the article or to make different arrangements on condition that the same license is used including the commercial purpose.
As an author of an article published in Archaeology: The Scientific Journal of the University of Georgia you retain the copyright of your article and you are free to reproduce and disseminate your work.
